كلمات متنفعش تتقال فى المجال ده

كلمات وجمل متزعلش حد، الا لو سمعتها من دكتور وانت فى اوضه العمليات خصوصا لو كنت الوحيد اللى نايم على ضهرك

يا لهوى!
هيييييييييه،النور جه!
طيب اذا كان ده البنكرياس ، امال اللى طلعناه ده ايه؟
حد شاف الدبله بتاعتى؟
طب اقول له ايه لما يفوق؟وزعلان انى سقطتك 3مرات ف الماجستير!
الحق يابنى القطه اللى جريت بالعضمه دى ، خلينا نرجع رجل الراجل من سكات!
يا ما ربنا بخلق عجايب ،ماحدش معاه كاميرا يا اخواننا!
ولا حركه محدش يخيط انا مش لاقى الكونتاكت لنسز بتاعى!
يا جماعه،تعرفوا اذا كان حد عاش بعد ما خد 500 مللى من الهباب ده ؟
شيل ايدك الحاله دى بتاعتى انا ولا هى الكحكه ف ايد اليتيم عجبه!
اه يا عينى والله مانا سايبك!
حد يسكت الزفت اللى بيدق ده ،مش مخلينى عارف اركز!
لأ حأشتغل ،انا صحيح نسيتها بس يعنى باعرف اشوف طشاش من غيرها!
جاى تقوللى واحنا بنقفل ان مش ده المريض اللى داخل يشيل البروستاتا
يا اخى سيبك من دلع الخواجات ده المشرط مش تلم ولا حاجه!
انا مش عارف ده ايه بالظبط بس حطه ف التلج وهات لنا واحد بتاع جراحه اوعيه بسرعه!
يللا يا بنى الماتش هايبتدى بعد ربع ساعه !
يا جدع انت شيل الملايه من على وشه ده لسه فيه نفس وبيتكرع!
انت متاكد ان الحاله عارفه ان شكلها حيبقى كده بعد العمليه ؟
ريحه شياط؟ حريقه.....حريقه....